Elena Muñoz anunciou que estas actividades no edificio do Celta terán periodicidade mensual
23 ene 2019 . Actualizado ás 20:47 h.A presidenta do Partido Popular de Vigo, Elena Muñoz, anunciou hoxe a creación dun foro de actualidade e temas de interese que se celebrarán na cidade baixo o nome ‘#forosVigo'. O escenario será o Salón Rexio da sede do Celta , situada na rúa de Príncipe.
O club presentou no seu día este espazo como o «dinamizador» da Sede, «un lugar histórico e emblemático onde gozar de contido cultural, didáctico e artístico durante todo o ano», pero tamén «un espazo único, diferente e adaptable para organizar eventos de empresas, charlas ou concertos».
Muñoz avanzou que o primeiro destes foros terá como eixo temático os «40 anos de Constitución» nunha conferencia a cargo de Adolfo Suárez Illana que terá lugar o próximo día 30, ás 20,00 horas. A idea é que os foros se celebren polo menos unha vez ao mes.