Enfrontábanse o Sevilla de Maradona e un Celta que rematou con sete futbolistas
22 novs 2020 . Actualizado ás 23:13 h.1992: Cúmprense anos dun encontro disputado polo Celta fronte ao Sevilla en Balaídos que pasou á historia por varios motivos diferentes. Foi o encontro 100 de Jorge Otero co conxunto vigués en Primeira e en fronte estaba Maradona defendendo a camiseta do conxunto celeste. Pero o gran protagonista no negativo foi un Díaz Vega , o colexiado, que expulsou a catro xogadores celestes e que considerou que houbo invasión de campo co gallo dunha fotografía que a afección se fixo para o Libro Guiness das Marcas.
O equipo dirixido por Txetxu Rojo caeu por 1-2 e un duelo no que Juric e Engonga viron dúas amarelas, mentres que o colexiado Díaz Vega ensinou a Ratkovic e Gudelj a vermella directa. Xunto con eles e Otero conformaran o once daquel encontro Cañizares, Atilano, Patxi Salinas, Vicente, Salillas e Salva. Entraran ademais no segundo tempo Gil e Agirretxu.
Otero debutou co equipo no ano 1987 e aquela tempada participou en 31 partidos, un menos que na seguinte. Na 98/90, que concluíu con descenso, foron 28, e xa no regreso, no curso 92/93 foi cando acadou o centenar. A súa cifra final de encontros co equipo vigués na máxima categoría ascendeu a 154.
