Os vigueses enfrontábanse ao Milan nun accidentado encontro de pretemporada en San Benedetto
14 ago 2018 . Actualizado ás 22:10 h.1998: O Celta enfrontábase ao Milan nun amigable de pretemporada atípico. Os celestes, dirixidos por Víctor Fernández, recibiran unha invitación para participar no torneo italiano de San Benedetto, a cambio do cal se embolsarían ao redor de 10,5 millóns de pesetas. Pero foi unha aventura accidentada.
Algúns xogadores, entre eles Mostovoi, sinalaran aqueles días que non merecían a pena a malleira da viaxe nin as altas temperaturas que tiveron que soportar nin sequera a cambio de que o club ingresase unha cantidade tan suculenta. Aínda por riba, o Celta tivo que improvisar nesa ocasión unha indumentaria branca e vermella ao ter viaxado a Italia sen a súa habitual equipaxe celeste.
No deportivo, a vitoria foi para os italianos desde o punto de penalti ao converter un xogador que anos máis tarde terían un breve paso polo Celta , Boban. O Celta preparaba aquel verán unha Liga que comezaría con derbi fronte ao Deportivo que pasaba a adestrar Javier Irureta. Sería o ano en que os vigueses eliminaron en UEFA a Aston Villa e Liverpool.