O novo central do Celta preséntase como un xogador con entrega e amante do fútbol alegre e ofensivo que quere contribuír a manter en Vigo
16 jun 2018 . Actualizado ás 13:01 h.O novo xogador do Celta Néstor Araujo presentouse ao celtismo a través dos medios oficiais do club tras a súa fichaxe polo equipo vigués. O mexicano móstrase «contento, moi motivado» e revela que cando se decatou da posibilidade de fichar polo Celta , non o dubidou. «Agora toca traballar, esforzarse para facer unha boa Liga », a que para el é «a mellor do mundo» e que seguiu moito no seu país. Dela gústalle «o fútbol alegre, ofensivo» e quere achegar para que «a esencia dese fútbol non se perda».
Araujo defínese a si mesmo como un futbolista «con moita entrega e que traballa moito». «Axústome ben aos estilos de xogo. Na selección pedíanme cousas diferentes ao meu club, Santos, e creo que iso me dá posibilidades de darlle tamén variantes ao Celta », analiza. Entre as súas características mencionou tamén «a saída de balón, o decoro á hora de defender e o xogo aéreo», engadindo que saír co balón xogado é o que máis lle gusta.
O central coñece perfectamente a Antonio Mohamed no terreo futbolístico, debulla. «É un adestrador que ten un fútbol moi alegre, ofensivo. En México o seu equipo non baixaba dos dous ou tres goles a favor por partido. No sentido persoal ou íntimo non o coñezo, pero no futbolístico moi ben», apunta.
Admite Néstor que foi duro quedar fose do mundial debido a unha lesión. «Claro que me doeu, sufrino, pero ao día seguinte había que dar o paso, recuperarse. Agora estou moi ben», indica. Tamén revela que está en comunicación co seleccionador do seu país, Juan Carlos Osorio, e desexa moito éxito aos seus compañeiros: «Deséxolles moito éxito, oxalá que lles vaia moi ben no Mundial. Teño moita fe».
Preguntado polos seus ídolos, menciona a Rafa Márquez, no que se fixou desde neno e considera un «jugadorazo», algo que confirmou ao terlle de compañeiro. «É o meu ídolo histórico, ségueo sendo ata a data. Actualmente hai outros xogadores que me gusta o seu fútbol como Thiago Silva ou Sergio Ramos, que é moi completo». E volvendo a si mesmo agrega acto seguido: «Creo que a calidade se ten e que podo chegar a competir moi ben».
Para rematar, Araujo móstrase disposto a «traballar moito» para o Celta . «Creo que podo facelo, co paso das semanas, a pretemporada e os partidos ireime axustando ao que é o xogo do Celta », finaliza.