Foi en Balaídos fronte ao Alavés para dar a vitoria aos de Berizzo
15 ene 2018 . Actualizado ás 11:05 h.2017: Hai hoxe un ano, Nemanja Radoja marcaba o primeiro e ata agora único gol que anotou coa camiseta do Celta . Foi en Balaídos no partido que enfrontaba a Alavés e Celta o 15 de xaneiro do 2017 e aquel tanto serviu para que o equipo dirixido por Berizzo puidese reter os tres puntos. Houbo que agardar ata o minuto 89 para que o serbio decantase o marcador a favor dos locais.
O Celta saíra naquel compromiso cun once no que a Radoja acompañábanlle Rubén, Hugo, Cabral, Fontás, Roncaglia, Wass, Marcelo, Aspas, Guidetti e Bongonda. Fora un partido moi táctico no que os vigueses souberon madurar o partido contra un Alavés sobrio que se viu obrigado a xogar en inferioridade desde o minuto 46 pola expulsión de Feddal por dobre amarela.
Radoja experimentaba naquela época un gran momento de forma. Titular indiscutible, lograba aprobar unha das súas materias pendentes desde a súa chegada a Vigo: o gol. Este ano, o serbio está a ter un menor protagonismo e por agora suma uns 500 minutos en once partidos, só cinco deles saíndo como titular.