O partido de ida xogarase o 4 de maio en Balaídos e a volta o 11 en Old Trafford
21 abr 2017 . Actualizado ás 13:33 h.O Celta xa sabe contra quen competirá por un billete para a final da Europa League. O sorteo celebrado esta mañá deparou aos de Berizzo o Manchester -que vén de eliminar ao Anderlecht- como rival en semifinais. A ida xogarase no xoves 4 de maio en Balaídos e a volta unha semana despois.
O equipo vigués chegou ata aquí tras ser segundo na fase de grupos, na que competiu con Ajax, Standard de Lieja e Panathinaikós. A continuación deixou fóra a Shaktar e Krasnodar para plantarse nos cuartos de final onde onte se desfixo do Genk. En todas as eliminatoria o equipo tivo que afrontar a domicilio o duelo de volta, circunstancia que se repetirá de novo.
Tras o partido de onte á noite, tanto varios xogadores como o Toto expresaron que non tiñan preferencia polo rival, a propósito de que calquera deles sería complicado e de que, para moitos, a cincenta é o propio Celta . Con todo, Berizzo deixouno claro: «Eu non querería ao Celta », comentou póndose na pel do resto de equipos clasificados.
O Celta ten agora dúas semanas por diante antes de afrontar o partido de ida. Nese tempo medirase ao Betis este domingo en Balaídos, ao Sevilla o xoves no Sánchez Pizjuán e ao Athletic o domingo 30 como locais. Entre o partido de ida e o de volta, visitarán ao Málaga na Rosaleda.