Os de Luis Enrique íanse de Balaídos cun 4-1 adverso o 23 de setembro do 2015
23 sep 2020 . Actualizado ás 08:55 h.2015: Xornada perfecta en Balaídos tal día como hoxe. O Celta recibía ao Barcelona e non só levou os tres puntos, senón que o fixo endosándolle ao que chegaba como vixente campión de Liga unha dolorosa goleada (4-1). Os de Berizzo sumaron de tres grazas aos goles de Nolito, Iago Aspas por partida dobre e Guidetti; Neymar facía o gol da honra para os seus, que supuña nese momento o 3-1.
O Celta apostou naquel partido pola súa aposta habitual. Cun once formado por Sergio, Hugo, Cabral, Sergi, Jonny, Augusto, Radoja, Wass, Orellana, Aspas e Nolito, os celestes mantiveron a súa intensidade arriba, o xogo ao primeiro toque e asumiron riscos, pero con cabeza. A receita perfecta para derrotar ao conxunto culé, dirixido, como actualmente, polo exentrenador celeste Luis Enrique.
Cunha actuación sobresaliente de Sergio Álvarez, así como da defensa no seu conxunto e dos homes de ataque, o equipo lograba a súa maior goleada ante o Barcelona desde 1957.