O presentador atravesa momentos críticos, co final acelerado de Gran Hermano Revolution
03 dic 2017 . Actualizado ás 12:39 h.A que remata foi unha semana moi dura para o presentador Jorge Javier Vázquez, unha das grandes estrelas de Telecinco . Todo comezou coas confesións que fixo en revístaa Lecturas, nas que daba conta ao detalle da depresión que sufrira nos últimos tempos. «Só vía morte», confesaba o condutor de Sálvame , Sálvame Deluxe e Gran Hermano Revolution. O presentador non dubidou en recoñecer que tocara fondo, que estivera completamente afundido tras un proceso que comezou fai cinco anos mentres escribía a súa primeira novela.
Aínda que Jorge Javier Vázquez aseguraba tamén que ese proceso depresivo polo que atravesara quedara atrás, o certo é que os días que seguiron a esta confesión non resultaron doados para o presentador.
Só pasaron un par de días cando chegou a noticia, non anunciada oficialmente pero si practicamente confirmada cos feitos, de que o grupo Mediaset decidiu acelerar o final de GH Revolution. O fracaso nas cifras de audiencia, que en ningún momento chegou a remontar, sumado ás polémicas -segue sen aclararse os presuntos abusos sexuais dentro da propia casa e case diante das cámaras- levaron á cúpula de Telecinco a recortar o tempo de vida do reality. O primeiro signo chegou na última gala, cando se cambiaban as regras e forzábase a expulsión de dous concursantes. Todo apunta a que a última gala terá lugar o 14 de decembro.
Neste escenario, Jorge Javier Vázquez, condutor do reality, optaba o sábado por non aparecer noutro dos programas estrela de Telecinco que presetan, Sálvame Deluxe. Foi María Patiño a encargada de presentar aos invitados e de guiar o programa ao longo da noite, e ninguén en ningún momento aludiu á ausencia do presentador. A tensión está servida.