Máis contundentes, con chacina ou lentellas, ou lixeiras, de pito e cenoria; as infinitas opcións que ofrece este prato permítenche comer rico, sanísimo e variado en plena operación bikini
22 jul 2020 . Actualizado ás 12:25 h.Non hai escusa. As ensaladas deixaron de ser esa guarnición aburrida dun filete empanado ou dun peixe á prancha para converterse en pratos con entidade propia. As múltiples combinacións que antes poucos se atrevían a facer son hoxe alternativas que, está máis que comprobado, poden dar un resultado exquisito para o padal e, sen dúbida, para o estómago. Á leituga, que segue sendo a alma mater deste prato, sáenlle competidores que serven á perfección como base deste prato: os legumes, por exemplo, que son unha importante fonte de proteínas e apenas conteñen graxas, están sabrosísimas crúas. Ou os vexetais, que crus conservan mellor as propiedades nutricionais, son unha alternativa máis que idónea.
Doutra banda, en plena campaña a favor da comida real, os expertos empéñanse en tombar mitos e apostar por unha alimentación que invita a non facer dietas drásticas ou moi restritivas, senón a aproveitar a variedade de alimentos que temos ao noso alcance, fomentando así un consumo local, o que significa que podemos perfectamente apostar por unha maionesa caseira, un embutido saudable ou un anaco de pito feito ao forno e aderezado con especias. Todos estes elementos teñen cabida na nosa alimentación e, tamén, nunha ensalada.
Segundo a nova pirámide alimenticia feita pública hai escasos días pola Sociedade Española de Nutrición Comunitaria (SENC), a base da nosa alimentación deben ser os legumes, o arroz integral, a pasta integral e, por suposto, as verduras, hortalizas e froitas. Tendo en conta todo isto, propómosche sete completísimas ensaladas que poderás consumir ao longo dunha semana ao mediodía ou na cea. Aceptas o reto?
- Luns:
- Martes:
- Mércores
- Xoves
- Venres
- Sábado
- Domingo
