Costela de vaca galega e repolo cun toque coreano

Un xeito orixinal de cociñar produtos básicos na dieta atlántica


Redacción / La Voz

Empachados despois das laconadas do entroido, e coas posibilidades de probar novos pratos reducidas á mínima expresión, en Greca Bar (A Coruña) proponnos un xeito distinto de honrar dous produtos indispensables na despensa galega, que ademais son perfectos para estes días que aínda aperta o frío e apetecen pratos contundentes.

Alma García, copropietaria deste restaurante herculino, sempre sabe sacarlle o mollo —e no caso da receita que presentamos a continuación, literalmente— a pratos que a priori poden parecer humildes. Por iso a unha costela con repolo le dá unha volta de porca cunha salsa coreana que cada vez ten máis adeptos fóra dos límites asiáticos. Eest ou non é todo, para redondear o prato, un toque crujiente cuns rabanitos encurtidos que, agora que todos temos máis tempo para gozar en casa, podemos preparar nós mesmos. Pero empecemos polo principio.

García propón dous xeitos de preparar este prato, en función dos aparellos que teñamos ou non en casa. En calquera caso hai un punto fundamental, ir á compra e facerse cunha boa costela de añojo de vaca galega (que podemos pedirlle ao carniceiro ou a carniceira que nos deshuese a peza se nos resulta moi laborioso) e un repolo fermoso, perfecto por estar de tempada. Ao chegar a casa e pórse en faena uns collerán o camiño de (case) un chef profesional e, outros, a vía máis tradicional. «Cada vez máis cocinillas teñen en casa un roner, que nos permite facer esta carne a baixa temperatura para aproveitar ao máximo todos os seus mollos, pero no caso da maioría o mellor é que preparen o añojo ao forno a lume baixo unhas tres horas e súbanlle a potencia ao máximo os últimos minutos».

Mentres tanto podemos dedicarnos a preparar a verdura. Aqueles que gocen coa verdura ben ao dente poden saltear directamente o repolo e cando estea listo, «engadir unhas gotitas de salsa kimchi para achegar un toque picante que queda incrible. Os que prefiran que estea algo máis blandito que lle dean un hervor antes do salteado». Esta salsa que menciona García, por certo, cada vez é máis fácil adquirila nos supermercados galegos, pero se queremos tirar a casa pola fiestra podemos preparar en casa con col chinesa, fariña de arroz, allo, azucre pasta de soia e pemento.

Queda finalizar a receita cuns rabanitos encurtidos que tamén é sencillísimos elaborar nós mesmos: só necesitamos un bote hermético, as especias que máis nos gusten, auga, vinagre e darlle á mestura polo menos 48 horas.

Coñece toda a nosa oferta de newsletters

Creamos para ti unha selección de contidos para que os recibas comodamente no teu correo electrónico. Descobre o noso novo servizo.

Votación
6 votos
Comentarios

Costela de vaca galega e repolo cun toque coreano