A frustrada «unidade popular» non resistiu sequera o primeiro envite, cando perdeu as autonómicas
17 feb 2019 . Actualizado ás 13:27 h.A curta pero intensa historia de En Marea vai unida a Xosé Manuel Beiras, impulsor da maior parte dos movementos da nova política en Galicia.
Maio do 2011
O 15M e as mareas. Das mobilizacións sociais do 15 de maio do 2011 xurdiron as acampadas nas rúas, o activismo social e as asembleas que foron xerme de Podemos e das mareas locais.
Xaneiro 2012
Asemblea de Amio. O Encontro Irmandiño liderado por Beiras, en contra da UPG e a favor de abrir o nacionalismo galego a alianzas con outras forzas de esquerdas, provocou a ruptura do Bloque Nacionalista Galego.
Julio 2012
Nace Anova. Beiras, Martiño Noriega, Antón Sánchez e quen con eles se foron do Bloque crearon un novo partido: Anova Irmandade Galega, con máis dun milleiro de militantes.
Outubro 2012
AGE. A coalición entre Anova e Esquerda Unida para as autonómicas acadou nove deputados, dous máis que o BNG; pero a paz durou pouco, coa fuga de dous parlamentarios ao grupo mixto.
Outubro 2014
Nace Bote. Mario López Rico, Luis Eyré, Consuelo Martínez e a corrente máis nacionalista escíndese de Anova e crea un novo partido, Bote.
Maio 2015
Éxito das mareas. Os movementos municipais xurdidos das asembleas cidadás do 15M e dos círculos de Podemos fixéronse coas alcaldías de Santiago, A Coruña e Ferrol, e lograron representación no medio centenar de concellos.
Julio 2016
Fundación de En Marea. Os partidos e os axentes impulsores das mareas, impulsados polo éxito das municipais, crearon un partido instrumental de adscrición individual para as autonómicas e elixiron ao maxistrado Luís Villares como candidato. Lograron catorce deputados, pero non conquistaron a Xunta.
Xaneiro 2017
Consello dás mareas. As primarias para elixir dirección constataron por primeira vez a división interna, xa que boa parte dos que acompañaban a Luís Villares na candidatura rexeitárono como portavoz. Así naceu o sector crítico, formado polos xefes dos partidos políticos fundadores.
Decembro 2018
A guerra polo control. O sector crítico promove unha candidatura para facerse coa dirección de En Marea con David Bruzos como cabeza de lista. Gañou a de Villares , con acusacións de fraude electoral e unha forte división interna.
Febreiro 2019
Ruptura. O anuncio de dúas candidaturas ás xerais confirma a ruptura de En Marea.