A Benemérita en Galicia celebrou os actos centrais da súa fundación no pazo de Mariñán
16 may 2018 . Actualizado ás 05:00 h.A Garda Civil de Galicia celebrou onte no pazo de Mariñán (Bergondo) os actos centrais do 174.º aniversario da súa fundación, que estiveron presididos polo delegado do Goberno, Santiago Villanueva, e polo xeneral xefe da Garda Civil de Galicia, Anxo Alonso Miranda. Estiveron acompañados polo vicepresidente da Xunta, Alfonso Rueda, e polo presidente da Deputación da Coruña, Valentín González Formoso, entre outras autoridades. No acto entregáronse 27 condecoracións e xuraron bandeira 23 cidadáns.
O delegado do Goberno destacou o labor da Garda Civil ao resolver o crime de Diana Quer, «unha investigación moi complexa», cuxo éxito «supuxo non só dar resposta a unha familia traxicamente golpeada, senón tamén dar confianza á poboación da zona e de toda España». Engadiu que «a presenza da Garda Civil inspira tranquilidade alí onde hai un perigo».