O colexio Escolapios de Monforte aposta polo uso de caldeiras de biomasa
MONFORTE / LA VOZ
GALICIA INNOVA
09 dic 2021 . Actualizado ás 12:45 h.
O conselleiro de Economía, Empresa e Innovación, Francisco Conde, resaltou o «compromiso coa eficiencia e ou aforro enerxético» do colexio Escolapios de Monforte nunha visita que realizou para coñecer o funcionamento das novas caldeiras de biomasa con que conta o centro educativo. O colexio substituíu a súa antiga caldeira de gasóleo por catro de biomasa nun proxecto que supuxo un investimento de 201.000 euros, dos que 160.000 foron achegados pola Xunta.
Segundo indican desde a consellería, a renovación do sistema enerxético do colexio supón un aforro de preto de 23.000 litros de combustible anuais e un aforro económico duns 9.200 euros ao ano.