O Racing San Lorenzo de Maiki renovou a once dos futbolistas que lograron o último ascenso

O Racing San Lorenzo conta cunha novidade para o campionato 25-26, aínda que a próxima semana anunciaranse catro fichaxes máis. A única incorporación ata o de agora é o porteiro Pablo Martínez, que o último ano non xogou e fai dúas campañas militou no Flavia padronés. O traballo da directiva e o corpo técnico centrouse ata o de agora en estudar o mercadeo e lograr a continuidade dos futbolistas máis destacados que asinaron o ascenso.

Once son as renovacións realizadas polo conxunto compostelán para afrontar a histórica campaña na Primeira Galicia. O técnico, Miguel Ruiz de Cortázar, Maiki (Santiago, 1986), volverá contar con Pablo Moure (defensa central e mediocentro), o central Sergio Brea, o lateral esquerdo Dani Mato, o mediocentro Nico Díaz, os centrocampistas Adrián Baliño, Francisco Loureiro, Manuel Alcalde e Ander Taboada, o atacante Younes Baltham, David Suárez (extremo e dianteiro) e Hugo Rey (tamén extremo e dianteiro).

No cadro de persoal segue unha base de trece xogadores destes tres últimos anos e haberá futbolistas que participaron no campionato anterior e que terán ficha sub 23 con dinámica de primeiro equipo. Con respecto ao curso pasado, son cinco as baixas no colectivo compostelán: Carlos García (centrocampista), Alejandro Méndez (porteiro), Marcos Mato (defensa central), Juan González (lateral) e Sergio López (extremo e dianteiro). Para a semana haberá polo menos catro reforzos e presentarase o acordo asinado coa marca New Balance.

Brais Pedreira, regresa ao Arzúa tres anos despois

O Arzúa xa leva 19 fichaxes. O último en chegar é Brais Pedreira, que regresa ao municipal de Ou Viso tres anos despois.

---

---

---