Fórxaa azulgrana moldeou a Volodymyr Gerun e Emir Sulejmanovic. Os dous competiron para o Barça B en LEB Ouro non hai tanto tempo e os dous deron un paso á fronte esta tempada. Hoxe son dous activos importantes no xogo interior do Breogán. O catro bosníaco xa axudou aos de Lezkano a subir á ACB a tempada pasada e chegou a España da man do Barcelona. Xogou co filial varias tempadas, antes de saltar ao Cibona croata e volver ao panorama nacional a través do Fuenlabrada.
O cinco ucraíno foi un descubrimento esta tempada, demostrando que o seu sitio está na máxima categoría. A diferenza de Sule, Gerun chegou a España a través do Xetafe e pasou polo Lleida e o Clavijo antes recalar no filial de Barcelona. Hoxe volven á que foi a súa casa cun único obxectivo: dobregar ao Barça.