San Sadurniño despide ao barbeiro que abriu un negocio que á vez é bar e barbería

A cineasta Sonia Méndez dedicoulle unha curtametraxe na primeira edición do Chanfaina Lab (gravado en 2014 e estreado en 2015) ao Café-bar Santos Barbería, por tan singular mestura. José María Santos (San Sadurniño 1936-2020) fundou o negocio que agora rexenta o seu fillo Juan José. «Si que estaba orgulloso de que seguira nas mans da familia», recoñecía onte o barbeiro que se iniciou no oficio da man do seu pai. «Traballou moito, moito, moito», comentaba, lembrando os anos en que o seu pai abría ás cinco da mañá para atender aos operarios de Astano antes de entrar a traballar.

Desde que se retirou, con 65 anos, «puido gozar un pouco da xubilación, polo menos ata que morreu miña nai [Mercedes], pero a súa vida seguía sendo isto, baixar da casa cada día a tomar un café e charlas con uns e con outros», relata Juan José. El traballa polas tardes e polas mañás están as perruqueiras, con servizo de estética. E o bar, a outra aceno de identidade do local que montou, fai case medio século, Pepiño, como adoitaban chamarlle os seus amigos.

---

---

---