Rescatan de madrugada nun monte de Ortigueira a un grupo que se perdeu de camiño a unha casa rural por GPS
ORTIGUEIRA
Foron localizados ao enviar á central de urxencias do 112 as coordenadas da súa posición por Whatsapp
20 abr 2019 . Actualizado ás 12:39 h.Un grupo de seis persoas -catro adultos e dous nenos- que viaxaban en dous turismos foron rescatados esta madrugada nunha pista forestal de Couzadorio, en Ortigueira , tras perderse de camiño a unha casa rural.
Un dos afectados púxose en contacto co 112 ao redor das once e media da noite «solicitando axuda», segundo informa a central de urxencias. Na súa chamada telefónica indicou que seguira as «indicacións do GPS» e que se perdeu nunha pista forestal que acabou impedindo seguir o traxecto ao atoparse «entre un río e un tramo esvaradío».
Desde o 112 solicitóuselle as coordenadas de posición para facilitar a localización ao grupo de urxencias. Mediante o envío destes datos por Whatsapp púidose fixar a súa localización e, con estes datos, informouse á Garda Civil, GES de Ortigueira e Protección Civil.
Pasada únaa da madrugada, os gardas localizaron os turismos e, pese ao susto, os ocupantes atopábanse en perfecto estado e foron auxiliados para saír do lugar despois de lograr sacar un dos vehículos. O outro coche recuperouse máis tarde.