Preferente O Atlético Escairón encaixou un inapelable 3-0 ante os coruñeses
23 oct 2021 . Actualizado ás 20:08 h.Non foi a tarde do Atlético Escairón, que encaixou unha nova derrota. Nesta ocasión, o verdugo da escuadra do Saviñao foi un Mugardos, que desde o asubío inicial do árbitro foi moi superior ao equipo visitante. De feito, ao final do partido, o adestrador, Julio Corral , admitiu que o mellor do partido foi o resultado, e é que polo que se viu durante os noventa minutos, o seu equipo puido recibir unha goleada.
Os coruñeses superaron en todas as facetas a un Escairón, que nesta tesitura non o terá doado esta tempada para cumprir os seus obxectivos. O choque volveu evidenciar a necesidade de que cheguen canto antes algúns reforzos, e que ademais marquen as diferenzas. Ao final da primeira entrega, o resultado xa reflectía un 2-0. As intervencións de Macía, a falta de eficacia dos locais e o traballo defensivo en certos momentos evitaron que o equipo encaixase máis tantos. Na segunda parte, a tónica foi a mesma. O técnico soberino intentouno todo desde o banco, pero non puido igualar en ningunha faceta do partido ao seu opoñente. Ademais desta derrota, o Escairón conta con outra baixa máis, a de Molla, que se lesionou no adestro do venres.
?
David; Isaac, Leiras, Montero, Moisés; Diego, Fraguela, Muíños, Hugo; Quique e Dopico. Tamén xogaron Yago, Mejuto, Gestoso, Álex e Permuy.
?
Macía; Félix, Rubén, Aitor, Marzán; Pandiani, Jose, Toto, Carrasco; Nico e Quiroguita. Tamén xogaron Arias, Óscar, Arca e Cairo.
GOLES: 1-0, min.1, Muiños; 2-0, min.35, Yago; 3-0, min.90, Mejuto.
ÁRBITRO: Francisco Xabier Rodríguez Campos. Amoestou aos locais Muíños e Isaac, e aos visitantes Carrasco, Javier e Félix.
INCIDENCIAS: Partido que se xogou no estadio da Pedreira, en Mugardos.