Broche institucional para o medio século dos acontecementos do 10 de Marzo do 72
FERROL CIDADE
O Auditorio acolleu unha gala na que participaron protagonistas daqueles feitos e tamén houbo música e poesía
27 novs 2022 . Actualizado ás 18:51 h.O Auditorio acolleu na tarde do sábado o broche institucional aos actos organizados polo Concello de Ferrol para conmemorar o 50 aniversario dos acontecementos do 10 de Marzo do 72. Foi unha xornada na que a policía franquista disuadiu a tiros unha manifestación de traballadores de Bazán, matando a dous deles -Amador Rey e Daniel Néboa- e ferindo a medio centenar. Aqueles acontecementos foron seguidos dunha represión a dirixentes obreiros e políticos, e ás súas familias. Algún dos protagonistas daqueles feitos, como Sari Alabau -profesora comunista-, interviñeron no acto no Auditorio, no que tampouco faltaron a música e a poesía.
O alcalde, Anxo Mato, puxo en valor o traballo realizado polas entidades Memoria Historia Democrática e Fuco Buxán para dar a coñecer unha etapa da historia na que a cidade se significou pola loita en favor da democracia e as liberdades. No Auditorio déronse cita representantes de todos os grupos da corporación.
A cantante Guadi Galego foi unha das encargadas de pór a nota musical.