Medio milleiro de entradas e 87 novos abonos, para o clásico do sábado

La Voz FERROL

FERROL CIDADE

José Pardo

As oficinas do Racing estarán hoxe abertas entre as dez da mañá e as sete da tarde

01 dic 2021 . Actualizado ás 01:00 h.

Ao redor de medio milleiro de entradas vendidas e 87 novos abonados é o balance da primeira xornada de venda de entradas para o clásico do sábado, sete da tarde na Malata, entre o Racing e o Deportivo.

Os despachos de billetes abriron ás dez dela mañá e ata as sete da tarde despacháronse localidades. Horario que se repetirá na xornada de hoxe mércores nas oficinas do club, na primeira planta do estadio da Malata.

Para os abonados do Racing a entrada é gratuíta, aínda que ata a xornada do xoves, ás sete da tarde, o club permite a cada abonado adquirir tres entradas a prezo reducido e dous máis de público. A partir do xoves, ás dez da mañá, tanto no club como na páxina web, iniciarase a venda de localidades de público. As entradas bonificadas están á venda por 30 euros a tribuna, 25 a preferencia e 20 a de fondo sur, e as de público custarán 40 euros a de tribuna e 35 a de preferencia. Non haberá entradas de público para o fondo sur.