Hai unha persoa ingresada en planta e a unidade de coidados intensivos continúa baleira
16 oct 2021 . Actualizado ás 11:08 h.Un ingresado en planta, no Hospital Arquitecto Marcide, a unidade de coidados intensivos baleira e 12 pacientes coa infección activa, un máis que a véspera. É o resumo da situación do covid-19 na área Sanitaria de Ferrol, segundo os datos proporcionados polo Servizo Galego de Saúde (Sergas), que abarcan ata as seis da tarde do venres. Nas 24 horas previas confirmouse un novo caso de coronavirus a través de probas PCR. En canto ao balance da pandemia nas comarcas de Ferrolterra, Eume e Ortegal, son 230 as persoas falecidas por esta enfermidade, 11.635 os contaxiados e 11.387 os curados. En todo o período se efectuaron 185.122 probas PCR, 26.583 de antígenos e 70.711 doutro tipo, para a detección do covid-19.
A análise por concellos non mostra ningún cambio respecto da xornada anterior. Ferrol, Fene e Valdoviño continúan na franxa dun a nove casos na incidencia acumulada a sete e a 14 días; e Ares e Narón mantéñense na pinza dun a nove en 14 días e a cero en sete. Mañón, Ortigueira, Cariño, Cedeira, Cerdido, Moeche, San Sadurniño, As Somozas, As Pontes, A Capela, Cabanas, Mugardos, Neda, Pontedeume e Monfero permanecen sen positivos.