O hospital de Día Onco-Hematológico da área Sanitaria de Ferrol trasládase ao seu novo emprazamento provisional no primeiro piso do hospital Naval desde o soto do Marcide. Desde a área infórmase de que «a partir do luns 21 de xuño, xa se realizará a asistencia nesta modalidade de hospitalización de día no novo espazo, xunto ó hospital de Día Médico que xa estaba emprazado nesa sección do edificio. A entrada é pola fachada lateral do primeiro andar fronte ó aparcamento (antigas Urxencias do hospital Naval)». Este é un dos cambios previstos que restaban no marco do Plan Director do complexo hospitalario «xa que a Farmacia comezaba os primeiros chanzos do traslado esta semana para culminar nos últimos días do mes. Restaría só o cambio do Laboratorio de Microbioloxía que está previsto se realice despois do verán. Lembrar que estes cambios son fundamentais para liberar espazos necesarios para poder continuar a desenvolver a Fase I do Plan Director do Complexo no Marcide».