Nas 323 PCR realizadas nas últimas 24 horas confirmáronse 11 novos positivos
01 may 2021 . Actualizado ás 22:22 h.Os casos activos de covid-19 na área sanitaria de Ferrol volven subir, pasando de 97 a 102, e nas 323 PCR realizadas nas últimas 24 horas confirmáronse 11 novos positivos. Pola súa banda, o número de ingresados na planta de hospitalización do Arquitecto Marcide baixa de oito a sete e na unidade de coidados intensivos segue habendo dous pacientes. As vítimas mortais mantéñense en 216.
Desde o inicio da pandemia hanse visto afectados polo coronavirus 8.437 veciños das comarcas de Ferrolterra, Eume e Ortegal, dos que 8.113 lograron superar a enfermidade. Realizáronse un total de 136.299 PCR e 43.556 probas serológicas.
Na evolución por concellos, Ferrol baixa de 13 a entre 1 e 9 novos positivos a última semana e de 31 a 29 no acumulado de 14 días; Narón mantense entre 1 e 9 en sete días e 12 en dúas semanas; mentres que Cedeira, Cariño, Ortigueira, Mañón, Cerdido, San Sadurniño, Neda, Fene, Mugardos, Ares e Pontedeume están entre 1 e 9, tanto no cómputo dunha semana como en dúas. Pola súa banda, Valdoviño baixa de entre 1 e 9 a cero no acumulado da última semana e nas Pontes tampouco se rexistraron novos contagios nos últimos sete días. Tamén continúan con cero casos Moeche, As Somozas, A Capela, Monfero e Cabanas.
