Morre unha muller de Mañón dun infarto ao saber que o seu marido acababa de falecer

Teodoro Díaz Martínez, de 87 anos, e a súa muller, Josefina Martínez Balseiro, de 85, faleceron onte con dúas horas de diferenza. El faleceu ás sete da mañá e ela morreuse pouco despois ao sufrir un infarto, tras descubrir que o seu marido perecera. Residían na parroquia mañonesa de Ribeiras do Sor, en Mañón, pero levaban uns días na Coruña, na casa da súa única filla.

A nai de Josefina, María Balseiro Rodríguez, faleceu a comezos deste ano, a apenas un mes de cumprir os 106. Vivía coa súa filla e o seu xenro, que a coidaron con axuda da neta.

A morte repentina da parella causou conmoción entre os seus familiares e os seus veciños, porque ademais estes casos son excepcionais en Galicia. O cortexo fúnebre partirá hoxe, ás catro e media da tarde, do tanatorio de Ortigueira para dirixirse ao cemiterio de Ribeiras do Sor.

A historia do zapateiro e a súa muller costureira que morreron case á vez

Ana F. Cuba

---

---

---