Só o 40 % dos integrantes do censo exerceron o seu dereito ao voto
23 mares 2019 . Actualizado ás 18:16 h.O proceso de primarias en Ferrol en Común finalizou na mañá do sábado coa elección de Jorge Suárez como cabeza de lista ás eleccións municipais, ao ter obtido a súa candidatura ?a única que se presentou? máis do 98 % dos votos. No entanto, a participación no proceso foi do 40 %, xa que estaban convocadas 267 persoas e exerceron o seu dereito a voto 107. O rexedor, no entanto, mostrouse satisfeito, debido a que foi máis elevada que nos comicios anteriores.
Jorge Suárez estivo acompañado polas persoas da súa lista e tamén por algúns dos que o avalaron nas primarias, como a actual concelleira de Urbanismo, María Fernández Lemos, agora edila non adscrita, que concorrera aos pasados comicios como independente na lista do PSOE.