O xogador do Basketmi Nicolás Muñoz, nomeado na Gala do Deporte de Vigo

O xogador do Basketmi Nicolás Muñoz foi nomeado como mellor xogador promesa do deporte adaptado 2018 na Gala do Deporte de Vigo. Trátase dun recoñecemento máis á exitosa carreira de superación do mozo de 17 anos que naceu con artrogriposis. A familia destaca que o deporte foi a salvación e, aínda que Niko probou moitas modalidades, a súa paixón é o baloncesto en cadeira. Esta é a súa segunda tempada co equipo ferrolán, co que participou na final four polo ascenso, e foi convocado pola federación española. Tamén compite co primeiro equipo de pádel adaptado galego, Sen Rede Vigo Padel.