Exponav ofrecerá visitas guiadas gratuítas unha vez ao mes

La Voz FERROL / LA VOZ

FERROL CIDADE

JOSE PARDO

O primeiro percorrido deste novo programa terá lugar o 9 de febreiro

18 ene 2019 . Actualizado ás 05:00 h.

Co obxectivo de achegarse á sociedade e aumentar a afluencia de visitantes, o Museo da Construción Naval que comanda a Fundación Exponav no edificio de Herrerías comezará a ofrecer visitas guiadas gratuítas unha vez ao mes. A iniciativa estrearase o 9 de febreiro, ás 12.00 horas.

Ademais, dado o éxito que cultivou a exposición Porto Chocolate de Valentín Lamas durante o pasado nadal, Exponav decidiu organizar novas visitas guiadas á mostra, inspirada no libro de título homónimo. Estes percorridos terán lugar os próximos días 19 de xaneiro e 2 e 23 de febreiro, ás 12.00 horas.