Un psicólogo denuncia supostas actitudes improdecentes no programa Pro Infancia de Ferrol

Beatriz Sestayo xa trasladara en decembro á concelleira de Benestar a existencia de irregularidades


Ferrol

Un psicólogo que estivo contratado no marco do programa Pro Infancia, posto en marcha pola Xunta, o Concello de Ferrol e a Fundación A Caixa, e que xestiona a ONG Dignidade, presentou un escrito no rexistro municipal denunciando supostas actitudes improcedentes cos menores e as familias. En concreto, solicita que se abra unha investigación sobre cuestións que considera graves, como a existencia de supostas coaccións aos participantes no programa para que profesen a relixión evangélica e a atención ás familias nunha tenda de venda de roupa de Dignidade, en lugar de en o local cedido polo Concello.

A portavoz socialista, Beatriz Sestayo, xa se interesou polo asunto nunha comisión informativa celebrada o pasado día 13 de decembro. Así, solicitoulle á concelleira de Benestar , Saínza Ruiz, a memoria do programa Pro Infancia e a totalidade das actas das mesas técnicas. E facíao argumentando que tiña constancia de que, entre outras irregulariades, estaba a entrevistarse ás usuarias na tenda de Dignidade, imcumpliendo, entre outros aspectos, a Lei de Protección de Datos. Tamén solicitou a titulación dos membros do corpo técnico de Dignidade que levan o programa.

Saínza Ruiz respondeulle que hai dous locais municipais cedidos para levar a cabo este programa: un en cálea Euskadi e outra na Casa Solidaria, e que alí é onde se desenvolven as entrevistas e as reunións técnicas. A concelleira de Benestar engadiu que si nalgunha ocasión non se celebraron alí non sería nada irregular, senón unha cuestión puntual, porque non funcionaba Internet, pero que esa cuestión foi emendada.

A conselleira de Política Social da Xunta, Fabiola García, e o subdirector xeral da área Social da Fundación A Caixa, Marc Simón Martínez, renovaron onte a colaboración por tres anos máis do programa Caixa-Infancia, e comprometéronse a investigar a denuncia realizada polo psicólogo en Ferrol.

Coñece a nosa newsletter con toda a actualidade de Ferrol

Creamos para ti unha selección de noticias da cidade e a súa área metropolitana para que as recibas no teu correo electrónico. Descobre o noso novo servizo.

Votación
11 votos
Comentarios

Un psicólogo denuncia supostas actitudes improdecentes no programa Pro Infancia de Ferrol