O accidente tivo lugar en a coñecida como estrada da Palma
16 feb 2020 . Actualizado ás 21:51 h.Un condutor de avanzada idade resultou ferido a tarde deste domingo nun accidente de tráfico na localidade de Fene. O home ía ao volante dun coche sen carné, que chocou contra un vehículo estacionado na AC-133, coñecida como estrada da Palma.
Tal e como apuntan desde a Policía Local,que se trasladou de inmediato á zona, os feitos tiveron lugar no quilómetro 4 da citada estrada ao redor das 20.20 horas. O ferido foi trasladado nunha ambulancia da Urxencias Sanitarias o hospital, aínda que, en principio, as súas lesións non revestían gravidade. A outra persoa, tamén maior, que viaxaba no mesmo vehículo non sufriu danos.