A escavación arqueolóxica do monumento con forno renovarase o luns

O arqueólogo Emilio Ramil dirixe o equipo que realizará esta nova intervención

.

CEDEIRA

O equipo dirixido por Emilio Ramil, formado por catro arqueólogos, catro peóns auxiliares e un técnico de voo, retomará o luns a escavación da área do monumento con forno do Campo do Castro, en Cedeira. A Dirección Xeral de Patrimonio Cultural financia esta nova actuación, cun orzamento de 18.000 euros e 20 días de traballo de campo.

«Esta campaña é case en exclusiva para escavar completamente cada un dos elementos do monumento con forno [ou pedra formosa]. Temos escavado parcialmente o forno e a cámara, fáltanos parte do forno, a antecámara e o atrio, porque o que queremos, de acordo co proxecto de Patrimonio, é escavar todas as partes do monumento para poder iniciar no verán un plan de consolidación e posta en valor», explica Ramil. O Concello cedeirense custeará esa terceira fase, cun custo aproximado de 12.000 euros, como indica a concelleira de Cultura, María Xosé Rodríguez.

O director da intervención destaca a similitude estrutural existente entre pedra a formosa do Sarridal coa de Espasante, escavada a partir do ano 1988. «A funcionalidade está clara -subliña-, eran saunas de vapor, húmido ou seco».

Coñece toda a nosa oferta de newsletters

Creamos para ti unha selección de contidos para que os recibas comodamente no teu correo electrónico. Descobre o noso novo servizo.

Votación
4 votos
Tags
Comentarios

A escavación arqueolóxica do monumento con forno renovarase o luns