Ata este venres haberá máis representacións teatrais
14 ago 2018 . Actualizado ás 05:00 h.Hoxe ás 12.00 e ás 22.15 horas • Un euro pola mañá e cinco pola noite Auditorio municipal •
Desde o pasado sábado 11 de agosto están a levarse distintas representacións teatrais en Cariño, tanto no parque do concello, como no auditorio municipal e tamén en diferentes prazas co gallo de a XL Mostra de Teatro Galego de Cariño.
Hoxe ás 12.00 horas comezará no auditorio municipal o espectáculo infantil Pum, Pum!. O argumento relata a peripecia de Marieta, de cinco anos, que abrirá portas para chegar a historias con música.
Ás 22.15 horas será a quenda de Elisa e Marcela. Unha historia de amor entre dúas mulleres que tratan de esconder o seu matrimonio. Será tamén no auditorio do municipio.