Os festexos da Fraga afrontan a súa recta final
23 jul 2019 . Actualizado ás 05:00 h.Ata o • xoves O municipio das Pontes afronta a recta final das súas festas patronais da Fraga. Aínda que o día grande dos festexos será o xoves día 25, no que terá lugar, non só a tradicional romaría, declarada de Interese Turístico de Galicia, senón tamén a sesión vermú á que cada ano centos de persoas acoden para formar parte da habitual batalla de auga, veu e fariña. Este ano a música correrá a cargo da formación Pontevedra. A música non parará en toda a xornada, grazas á batucada Batería do Cariño, que percorrerá as rúas do municipio ao longo do día enchéndoas de ritmo e á agrupación Os Charangos, que actuarán na Carballeira pola tarde.
Pola noite, ás 23.30 horas As Pontes bailarán ao ritmo dos Inhumanos, tras os que volverá actuar a orquestra Pontevedra, sendo así a encargada de pechar os festexos deste ano.
Hoxe o programa está centrado nos máis pequenos, coa actuación do mago Magín Blanco no Parque Activo ás 19.00 horas. Mañá, día 24 de xullo, ás 22.30 horas arrincará o Festival de Folk no que participarán catro formacións, todas enmarcadas dentro do folklore, pero ben diferenciadas entre elas. Os asistentes viaxarán grazas ao folklore máis oriental da Banda Xangai, gozasen do tradición galega e irlandesa da man da banda de orixe ferrolá Boj, bailasen coa mestura de rock e folklore de The Skarnivals e gozarán coa música da galardoada formación vasca Kolme Katu.