O Concello de Mañón e Medio Ambiente abrirán unha nova ruta polo Sor, de Arganzo a Ambosores
MAÑÓN
FERROL
O itinerario, de cinco quilómetros, completará os xa existentes pola beira da canle fluvial
17 abr 2021 . Actualizado ás 11:02 h.A Consellería de Medio Ambiente colaborará co Concello de Mañón para acondicionar unha ruta de cinco quilómetros polo río Sor, entre Arganzo e Ambosores, «para seguir poñendo en valor o patrimonio natural nunha zona que é exemplo da riqueza ambiental desde municipio», en palabras da conselleira, Ángeles Vázquez, coa que se entrevistou o alcalde, Alfredo Dovale. O Sor é un dos catro canles incluídas por este departamento no Proxecto Mil Ríos, con fondos europeos.