Este luns rematábase de administrar a primeira dose aos profesionais sanitarios e o martes comezaba a segunda rolda nas residencias de maiores
20 ene 2021 . Actualizado ás 19:32 h.O contador de vacinas de covid na área Sanitaria de Ferrol chegou ás 4.000. Os equipos de enfermería remataron este luns de pór a primeira dose a todos os profesionais sanitarios e o martes comezaron coa segunda picada aos traballadores e internos de residencias de maiores e outros centros asistenciais.
Os catro equipos de enfermería que se encargan de administrar os antídotos están formados por doce profesionais que se prepararon para unha campaña agardada e especial. Así, desde a área lembran que entre o 13 e o 18 de xaneiro vacináronse a todos os traballadores de centros de saúde e de servizos dos hospitais. "Comezaba na tarde de mércores 13 inicialmente con 139 vacinacións a persoal de distintas categorías profesionales dos andares covid do CHUF, dende facultativos ata celadores e pinches", precisan os responsables dunha campaña que remataba o venres pola tarde nos centros de saúde e o luns no hospital. En total foron 1.650 as vacinas administradas a persoal do ámbito sanitario.