O director manterá un coloquio co píblico asistente tras o visionado da cinta
19 novs 2019 . Actualizado ás 05:00 h.Hoxe, martes • Dúplex CInema de Esteiro • 20.00 horas •
«Hamada» é un tipo de paisaxe desértico e pedregoso, pero tamén un termo que os saharauís empregan para referirse a algo «baleiro» ou «falto de vida». E ademais, Hamada é o título da nova película de Eloy Domínguez Serén, froito dos meses de convivencia que compartiu o realizador cos mozos dos campamentos de Tinduf. Da man do ciclo «Dúplex presenta», o director visitará esta tarde as salas de Esteiro para presentar a cinta, que vira ao redor dun grupo de mozos que «están ao redor dá vintena de anos e se senten atrapados neste deserto vasto e estéril», pero aínda así «manteñen toda a vitalidade, enerxía e anhelos dá mocidade».
A cinta chega ao Dúplex Cinema de Esteiro despois dun amplo percorrido por festivais e varios premios. Tras o visionado, o director manterá un coloquio cos espectadores.