O Concello de Ortigueira presentará o venres o Festival do Mundo Celta
24 ene 2019 . Actualizado ás 05:00 h.O proxecto do Xeoparque do Cabo Ortegal é un dos pratos fortes da Deputación na Feira Internacional de Turismo (Fitur) de Madrid, que se inaugurou onte. O deputado da área de Turismo, Xosé Regueira, ten previsto reunirse con representantes do Comité Nacional Español de Geoparques Mundiais, da UNESCO, e coa dirección doutros geoparques españois para tratar de solicitar apoios a esta iniciativa, impulsada polos concellos de Cariño, Cedeira, Cerdido, Ortigueira, Moeche, San Sadurniño e Valdoviño, co respaldo da Deputación.
«Queremos promocionar este proxecto a nivel nacional e internacional, e reforzar as sinerxias con outros xeoparques, un camiño no que xa se está traballando desde hai tempo», manifestou Regueira. Ve en Fitur «unha extraordinaria oportunidade» para establecer contactos e tratar de gañar apoios.
Festival do Mundo Celta
Entre as citas destes días en Fitur destaca a presentación oficial do programa do Festival Internacional do Mundo Celta . Será o venres, a partir das dez da mañá.