A liña gaña tres frecuencias diarias, de luns a venres, entre Ortigueira e Ferrol, en ambos os sentidos
19 ene 2019 . Actualizado ás 05:00 h.Renfe non confirma a implantación de novos horarios do servizo entre Ferrol e Ortigueira, pero na páxina web pódense ver os cambios previstos a partir do 4 de febreiro. De Ortigueira a Ferrol gáñanse tres frecuencias en días laborables, ás 6.35, as 11.05 e as 18.40 (e mantéñense ás 8.43, 13.24, 15.05, 16.50 e 20.28); e outras tres en sentido inverso, ás 9.35, 14.45 e 20.05 (que se suman ás das 8.20, 10.45, 13.00, 15.30 e 19.05). As fins de semana e os festivos haberá unha saída máis en cada sentido, ás 18.40 de Ortigueira a Ferrol e ás 14.45 á inversa. De Ferrol e Xuvia pasarase de 28 servizos a 17. De ser estes os horarios definitivos, axústanse, só en parte, ao acordado por Renfe cos alcaldes, e varían respecto da proposta da plataforma, que reclamaba, entre outras cuestións, alongar o primeiro e o último tren do día desde e cara a Viveiro.