Vencido o prazo para o pagamento pola subministración eléctrica do saneamento
15 novs 2017 . Actualizado ás 05:00 h.A empresa Gas Natural Comercializadora podería emprender a partir de hoxe accións legais contra Emafesa e, por extensión, contra o Concello -accionista maioritario da empresa mixta de augas-, por falta de pagamento reiterada. Á compaña enerxética débenselle 920.000 euros por facturas vencidas desde setembro de 2016 ata a actualidade pola subministración eléctrica do sistema de saneamento. E onte cumpríanse os sete días outorgados para efectuar o pagamento, baixo a advertencia de que pola contra, «procederemos urxentemente a adoptar cantas medidas legais nos asistan». Non se pagou E a empresa non está disposta a continuar así polo que instan a que se contrate a outra empresa: «A falta da súa dilixencia en contratar con outra empresa comercializadora non é responsabilidade algunha de Gas Natural Comercializadora SA».