Os festivais non son sólo música e diversión. Despois de que os reflectores apáganse a nosa pegada ambiental queda marcada por toneladas de lixo e refugallos
07 ago 2018 . Actualizado ás 06:59 h.Os festivais e verbenas de verán convocan sempre ao grande: gran cantidade de persoas, grandes grupos musicais e, sobre todo, deixan grandes desperdicios. O ano pasado, sumando todos os festivais que se celebraron en Galicia, a recollida de residuos de Ecoembes chegou a un total de 20.841 quilos de plásticos, latas e brinks. Mentres que os papeis e cartóns que sempre quedan tirados no chan despois dun concerto superaron os 6.000 quilos.
Co obxectivo de reverter estes datos negativos, a Consellería de Medio Ambiente e Ordenación do Territorio activou a campaña «Verdear é a actitude», coa que se pretende fomentar hábitos sustentables a través de accións en festexos e actuacións, eventos deportivos, o comercio e a comunidade educativa.
Pero para evitar que estas citas rematen cun impacto daniño para o medio ambiente non só depende de iniciativas das propias organizacións dos festivais, senón tamén de cada un dos asistentes. Estes son algúns consellos para seguir practicando as tarefas das tres erres: redución (de residuos e emisións), reutilización (de envases e botellas) e a reciclaxe (de refugallos).
Leva botellas propias
Levar un colector propio reutilizable para beber auga non só axuda ao medio ambiente, a longo prazo, tamén axuda a aforrar. Para as bebidas, o ideal son as cantimploras e os termos de aceiro inoxidable, que permiten manter os líquidos frescos. É recomendable buscar as políticas do festival por adiantado para ver que tipo de botellas e colectores está permitido levar.
Compartir viaxes e traslados
Á hora dos traslados, sempre é mellor ir camiñando ou en bicicleta, pero no caso de ter que utilizar un vehículo de motor mellor que sexa colectivo. Se se vai nun vehículo particular, o máis recomendable é compartir prazas, xa que isto permite aforrar gastos e sobre todo evitar as emisións contaminantes.
Levar vasos reutilizables
Nun festival a noite pasa de música en música e entre bebida e bebida. Do último, sempre quedan rastros cos vasos e plásticos tirados ao final da noite. O ano pasado, estes residuos constituíron case o 40 % da recolección de Ecoembes en festivais galegos. Para evitar a acumulación de recipientes de plásticos coa compra de bebidas, é conveniente levar un vaso reutilizable. Algúns festivais ofrecen recipientes polos que a xente paga ao principio e ao devolvelo, recuperan o diñeiro. Deste xeito manteñen o seu valor e se non reutilizar, poden ser reciclados unha e outra vez, a diferenza do plástico que se degrada co tempo.
Levar unha bolsa propia
Que os colectores de lixo estean lonxe, nunca debe ser unha escusa para que os refugallos non cheguen a destino. Por iso, é recomendable levar unha mochila ou bolsa para gardar os refugallos ata poder atopar o depósito apropiado para descarga.
Coidado coas cabichas de cigarros
As cabichas de cigarros son a principal fonte de lixo no mundo. Cada ano tíranse 4,5 trillones de cabichas, o que supón o 30 % do total de desperdicios, por diante das bolsas de plástico, envases de alimentos e botellas. Unha cabicha tirada no chan tarda entre oito e nove anos en degradarse. Por iso en caso de non atopar un cinceiro preto, é preferible acumular os cigarros apagados e tiralos despois no colector correcto.
Evitar as papeletas de publicidade
Ao final dun festival, moitos lugares rematan alagados de papeletas de publicidade. Por iso, ás veces é recomendable prescindir destes recursos, ou ben, gardalos para que logo vaian ao colector azul e que volvan converterse en papel. Deste xeito redúcense a sobreexplotación de recursos naturais (madeira, auga, enerxía) e os problemas de contaminación que xera a produción de papel. Reducir o consumo de papel é, xa que logo, a mellor opción ambiental.