Desde que a marca alemá Volkswagen creou a súa mítica Bulli fai setenta anos, que despois se converteu no símbolo do movemento hippie, as furgonetas convertidas en vivenda como unha seda se han ir prodigando para outros usos de lecer e viaxe.
24 dic 2017 . Actualizado ás 05:00 h.Co Spacetourer, unha furgoneta para transporte de pasaxeiros, Citroën ten agora a oportunidade de introducirse no campo de vehículos de lecer, e faino coa versión Rip Curl, unha marca claramente identificada co mundo do surf. Trátase dun prototipo realizado por unha banda polo especialista Dangel, que o transformou nun 4x4, e por outro polo fabricante de autocaravanas Pössl.
Coa mecánica do Blue HDi 150 CV decorouse o seu exterior en verde caqui bitono con beige . Na parte superior instalouse un tradicional teito elevable para habilitar un dormitorio dobre sobre el, con tea e mosquiteras laterais.
Vida ao aire libre
Para ofrecer o servizo que require un vehículo destas características, o equipamento conta con ducha con cortina integrada no portón traseiro, bolsa estanca para a roupa de surf, estación meteorolóxica e unha pequena caixa forte onde deixar as chaves no exterior do vehículo mentres surfeamos.
Non falta a cocinita integrada con fogón de gas e fregadero, unha alacena para alimentos e cacharros de cociña, así como un pequeno refrixerador. No interior tamén hai unha mesa na que, ao pivotar os asentos dianteiros, poden comer catro persoas. En configuración noite tamén poden durmir catro persoas, dúas no dormitorio superior desplegable e outras dúas abatendo os asentos na parte interior.
O Rip Curl pódese completar con cadeiras plegables, lanterna, mantas de viaxe, sacos de durmir e outros accesorios que nos farán máis doado a vida nómade. As autocaravanas, tan populares noutros países europeos como Francia, van callando tamén en España e as marcas presentan propostas como esta.