A última volta de porca ao proxecto de comida de mercado chegou no Porta do Viño da man de Xavi (Xavier Rúa González), que sumou os seus coñecementos gastronómicos e vitivinícolas ao plan de xestión deseñado pola lucense Gloria Valladares Hernández a fin de axustar o máis posible a oferta á demanda dos clientes
13 novs 2018 . Actualizado ás 18:31 h.Propostas máis alcanzables ao peto dos cidadáns e menos penetradas no cultivo de receitas rompedoras converteron o establecemento en lugar de cita habitual tanto para o tapeo como para unha comida máis repousada. A estrela da actual etapa de Porta do Viño é a relación entre a calidade e o prezo, en especial no prato do día que ofrece, de martes a venres por doce euros. A cociña de mercado con produto galego fresco e tratado con cariño é a receita que aplica Xavi, que el cualifica como «cociña humana», na súa estratexia gastronómica para este local, onde brilla unha selecta presenza de viños de pequenos produtores. O viño cada vez gaña máis protagonismo neste proxecto, que promoverá catas de caldos.
En Porta do Viño cómese ben e, aínda que con carta limitada e unha axustada creatividade, pódense degustar uns excelentes chipirones á andaluza, unha pata de polbo á grella, unhas croquetas, unha ensaladilla de ventresca e lagostinos, un salmón á prancha, un codillo de porco ou unhas ricas sobremesas caseiras. Porta do Viño é sinónimo de calidade e bo prezo.
A CALIDADE É O PRIMEIRO, neste entrecot de vaca vella galega laminada.A selección da carne é o primeiro requisito. Só traballan con raza bovina vianesa, producida en Lugo, e con cortes especiais. O traballo de cociña consiste nun marcado á prancha, a temperatura alta. A continuación se lamina e, antes de servirse, pasa uns minutos polo forno.