Cociña caseira para Quixotes e Meninas

No restaurante A Cándida de Ferrol en lugar de fío musical soa O Quixote. «Por que non?», así replica o dono, Pablo Pardo, ás persoas que lle preguntan por esta orixinal idea. Xa na entrada hai pistas do talante dunha casa con cociña ecléctica na que a súa muller, Mélida Intriago, prepara receitas tan coñecidas como un solombo ou unhas traballadas croquetas de chipirón e bastante a miúdo sorprende con delicias xaponesas, marroquís ou peruanas. Hai unha carta para as mesas do restaurante e outra de picoteo para degustar baixo a antuca (con pratos máis adecuados para compartir ao aire libre), onde se pode elixir entre pizzas caseiras ou ensaladas emplatadas en pan (unha das especialidades). Se cadra hai posibilidade de tomar de todo en ambos os espazos, nos que se coan receitas de todo o mundo (ata a francesa julienne) e moitas sorpresas. A seguinte será en Entroido, que na Cándida festexarase cunhas xornadas dedicadas aos manxares marroquís e que incluirá unha festa para adultos o luns, día 12, e outra para os máis pequenos ao día seguinte pola mañá. As sobremesas son caseiros, golosos e económicos, como o resto da oferta.

O seu PRATO ESTRELA

CEVICHES, CROQUETAS DE CHIPIRÓN O Ensaladas EN PAN.

Tanto na carta de picoteo, como na do restaurante hai pratos clásicos, como o solombo, ensaladas dentro de pan, alitas de pito ao estilo da casa ou pizzas. Aínda que nos fogóns da Cándida encántalles innovar con xornadas como a dedicada á cociña magrebí que preparan para Entroido.

quen son

Están en plena praza do Cruceiro de Canido de Ferrol, cunha ampla terraza e unha zona de restaurante, cada unha coa súa carta.

A casa recomenda reservar no 881934898, sobre todo a fin de semana ou durante os festivos.

Recomendan os seus fritos xaponeses ou o seu tataki de atún, que regresa á carta.

---

---