A FEMP chama a todas as urbes a deixar de iluminar hoxe os seus monumentos e rúas
16 dic 2019 . Actualizado ás 14:05 h.Vigo non figura na listaxe de cidades que hoxe se adherirán ao apagamento contra o cambio climático, pero o Concello si se sumará simbólicamente á acción reivindicativa cortando a iluminación en cinco puntos da cidade a partir das 20 horas. Con todo, a práctica totalidade dos dez millóns de luces led que penden sobre 334 rúas viguesas apenas se verán involucradas na protesta de media hora que a Federación Española de Municipios e Provincias, que preside Abel Caballero, promove para hoxe en todo o Estado para levar a cabo un chamamento respecto da contaminación do planeta e para secundar o Cume do Clima que se celebra en Madrid.
A árbore central situada en Pórtaa do Sol será o único motivo do Nadal que, segundo adiantou o Goberno local, será apagado simbólicamente un instante cando chegue a hora marcada. O resto do tendido seguirá activo, mentres si se cortará a luz no monumento da praza de España, as fontes da rúa Aragón e Gran Vía e o edificio do antigo reitorado.
A Rede Española de Cidades polo Clima, «sección da FEMP dedicada á loita contra o cambio climático» e da que forma parte Vigo, sinala na súa convocatoria reivindicativa para hoxe que «a iluminación do Nadal tamén se apagará en moitas cidades ou se atrasará o seu aceso ata que finalice a COP [o cume iniciouse o día 2 e concluirá o día 13], reducindo o consumo enerxético durante todos eses días». A FEMP avoga na súa declaración por «involucrar e concienciar cada vez máis á cidadanía».