O cuñado do rei cumpre unha condena de 5 anos e 10 meses de prisión por malversación, prevaricación, fraude á Administración, dous delitos fiscais e tráfico de influencias
24 dic 2019 . Actualizado ás 11:32 h.Iñaki Urdangarin goza do seu primeiro permiso penal de catro días, desde que ás 8.40 minutos desta xornada de Noiteboa abandonou en coche o Centro Penal de Brieva (Ávila), onde ingresou o 18 de xuño do 2018.
O cuñado do Rey cumpre unha condena de 5 anos e 10 meses de prisión por malversación, prevaricación, fraude á Administración, dous delitos fiscais e tráfico de influencias no coñecido como caso Nóos.
UrdangarIn foi recollido polo mesmo vehículo no que cada martes e xoves, desde o pasado mes de setembro, realiza o traxecto entre Ávila e Pozuelo de Alarcón (Madrid) para realizar labores de voluntariado nunha ONG de atención a persoas con discapacidade.
O vehículo, de cor gris, chegou ao interior do recinto penal ás 8.32 minutos, para despois acceder ao propio cárcere pola porta principal e recoller no seu interior ao marido da infanta Cristina, informa Efe.
Oito minutos despois, ás 8.40 horas, saíu do recinto no asento traseiro do coche en dirección a Pozuelo de Alarcón, onde ten previsto acudir, como cada martes e xoves desde setembro, antes de pasar os próximos catro días coa súa familia. O exduque de Palma terá que volver ao centro penal de mulleres de Brieva antes das 8.40 horas do próximo sábado.
Iñaki Urdangarin solicitou este permiso penal a finais do pasado mes de novembro, unha vez cumprida unha cuarta parte da pena. Aínda que inicialmente solicitou sete días de permiso, o máximo que contempla a lei, a Junta de Tratamento da prisión reduciuno aos catro que goza a partir deste martes.