A muller, de 37 anos, foi achada inconsciente e con varias feridas no rostro, polo que foi ingresada nun hospital
19 abr 2019 . Actualizado ás 16:14 h.Os Mossos d´Esquadra investigan un presunto caso de violación nas Ramblas de Barcelona a unha muller de 37 anos que foi achada esta mañá inconsciente por traballadores de limpeza e ao recuperarse asegurou á policía que fora agredida sexualmente e que lle pegaron.
Eran preto das sete da mañá cando no último tramo das Ramblas, próximo ao porto, foi achada a muller. Presentada varias feridas no rostro e o beizo partido. Unha dotación do Sistema d'Emergències Mèdiques (SEM) trasladouna «en estado de shock», ata o Hospital Clínic, onde permanece ingresada.
Os Mossos d'Esquadra abriron unha investigación e buscan ao home que na madrugada deste venres agrediu de forma violenta a esta muller de mediana idade na avenida Drassanes de Barcelona, nas proximidades do monumento a Colón. Xa comezaron a revisar as cámaras de seguridade da zona e buscan algunha testemuña que axude a dar con o agresor.
O corpo policial explicou que o home lesionou á muller e que agardan ás probas médicas para determinar se tamén a agrediu sexualmente como afirma ela.