O líder do PP foi pillado falando nos corredores nunha conversación informal co presidente da Comisión Europea
21 sep 2018 . Actualizado ás 11:52 h.O líder do PP, Pablo Casado, foi pillado falando nos corredores co presidente da Comisión Europea, Jean-Claude Juncker, no marco dun cume do PP europeo celebrada en Salzurgo, Austria.
«E ti, que tal?», pregúntalle Juncker a Casado nunha conversación informal captada polas cámaras. «España é un desastre. O novo presidente socialista...», escóitase responder ao líder do PP.
Estas declaracións xa foron obxecto de reaccións. A Albert Rivera preguntáronlle polo tema esta mañá nun almorzo informativo de Europa Press.
«A miña filosofía é falar menos dos demais e falar máis de España. Casado que diga o que crea conveniente», sinalou o líder da formación laranxa.
