Inditex segue coa súa renovación e ficha para a súa asesoría xurídica a Isabela Pérez, directiva de Coca Cola

Inditex acaba de confirmar que Isabela Pérez, unha directiva que leva practicamente unha década traballando en Coca Cola, será a súa nova directora xurídica e reportará directamente ao secretario do consello, Javier Monteoliva.

Isabela Pérez defínese como experta na práctica do Dereito, tanto no sector público como no privado e en consellos de administración como conselleira independente. Está experimentada en fusións e adquisicións, procesos de integración e goberno corporativo, en especial en momentos de cambio. Estudou na Universidade de Cambridge, no IESE Business School e na Universidade de Navarra.

A nova fichaxe de Inditex procede de Coca-Cola Europacific Parteners, con presenza en Barcelona. Madrid e Londres. É avogada do Estado, profesora en Esade, foi conselleira independente en Andbank Wealth Managemt e Holaluz. Foi avogada do Estado xefe en Cataluña (entre o 2010 e o 2013) e no País Vasco (entre o 2000 e o 2002).

A incorporación desta avogada en Inditex súmase aos cambios xeracionais profundos que está a levar a cabo a compaña téxtil e que se potenciaron coa chegada á cúpula da presidenta, Marta Ortega, e do conselleiro delegado, Óscar García Maceira. Lembra Expansión que a multinacional renovou a metade do seu consello e da súa alta dirección nos seus últimos catro anos. O último cambio producido é a chegada de Roberto Cibeira, conselleiro delegado de Pontegadea, ao consello da téxtil.

---

---