É a primeira emisión de débeda que o Executivo comunitario pon en marcha para financiar o SURE
21 oct 2020 . Actualizado ás 10:17 h.A Comisión Europea captou 17.000 millóns de euros na súa primeira emisión de bonos para financiar o fondo europeo contra o desemprego (bautizado como SURE) e rexistrou na operación unha demanda case catorce veces superior, de 233.000 millóns de euros, segundo datos de Bloomberg .
Bruxelas conseguiu colocar 10.000 millóns de euros en bonos a dez anos e 7.000 millóns en títulos cun vencemento de vinte anos. No primeiro caso, rexistrou unha demanda de 145.000 millóns, mentres que no segundo as peticións acadaron os 88.000 millóns. Esta é a primeira emisión de débeda que o Executivo comunitario pon en marcha para financiar o fondo SURE, creado para apoiar con ata 100.000 millóns a aqueles Estados membros que teñan posto en marcha sistemas para soster o emprego durante a pandemia, como os ERTE..