Leroy Merlin sortea a crise e contratará a 2.000 persoas para a campaña de verán, 100 delas en Galicia

Leroy Merlin aposta parte da súa estratexia á campaña de verán. A firma de acondicionamento do fogar decidiu plantar cara á crise tirando de contratación. Tal e como anunciou este venres nun comunicado, reforzará os seus equipos de tenda coa incorporación de 2.000 novas persoas durante a época estival. En Galicia, contrataranse en total a 100 persoas Aqueles que estean interesados poderán presentar a súa candidatura a través da web de emprego da compaña. 

Segundo explican desde a empresa, as tendas da marca experimentaron unha magnífica acollida por parte dos consumidores durante estes primeiros días de reapertura, superando incluso as expectativas que tiñan. «Estas ofertas de emprego responden o compromiso da compaña por garantir unha dispoñibilidade inmediata de produtos para o goce do fogar, ofrecendo a mellor experiencia do cliente a través dunha atención e trato personalizados», aseguran. O obxectivo é reforzar sobre todo os equipos de terrazas e xardín, nun momento do ano crave para este tipo de estancias. 

«Decidimos aumentar a nosa capacidade de atención ao consumidor nun momento de alta demanda, ás portas dun período estival despois de semanas de confinamento. Para iso, ampliamos os equipos das nosas tendas para asegurar unha experiencia de compra á altura do que nos piden os nosos clientes. Temos a firme convicción que está nas nosas mans responder as necesidades dos nosos clientes en momentos tan especiais como os actuais», asegurou Rodrigo Salgas, Director de Comunicación, Identidade Corporativa e Negocio da compaña.

Os traballadores contratados para a campaña de verán (durante os meses de xuño, xullo e agosto) reforzarán posicións de caixa, reposición, loxística e vendas de produtos e solucións da sección de xardinería. E esas 2.000 persoas distribuiranse en 132 puntos de venda que Leroy Merlin ten repartidos por España.

---

---

---