Ambos os países avanzan para enterrar a machada de guerra
11 oct 2019 . Actualizado ás 21:21 h.China e Estados Unidos están preto de asinar a pipa da paz comercial. Segundo avanza a axencia de información económica Bloomberg, os representantes de ambos os países acadaron un principio de acordo para asinar a tregua na guerra de aranceis que se declararon ambos os países. O pacto podería ser rubricado por Donald Trump e Xi Jinping a finais de ano.
Segundo Bloomberg, China estaría disposta a facer algunhas concesións en materia agrícola, mentres que Estados Unidos levantaría o pé do acelerador nalgunhas tarifas arancelarias. Este principio de acordo está suxeito á aprobación do propio Trump, que ten prevista unha reunión co vicepresidente chinés, Liu Hei.
O pacto podería deixar en suspenso a subida de aranceis prevista para mediados deste mes, así como os programados para decembro. Trataríase, ademais, do primeiro avance na guerra comercial na que están inmersos desde hai 18 meses e que danou as economías de ambos os países, destaca Bloomberg.
Altos representantes de ambos os países celebran estes días un cume nos Estados Unidos para tratar de limar asperezas comerciais.
